LT Hordaland femner om i alt 18 kommunar i Hordaland Me har på det meste gjennom året meir enn 70 vikarar i arbeid i anna næringsliv rundt om i fylket. Me er ein stor arbeidsgjevar med ein liten administrasjon og lønnar ut meir enn 1000 vikarar kvart år, dei fleste jordbruksavløysarar. Hovudkontoret ligg i andre høgda av Kvam Fruktlager i Øystese. Organisasjonen har òg lokalkontor i Knarvik.

Dei fleste aktive bønder i området er medlemer i LTH, som er organisert som eit BA der alle medlemene har like store partar.

LTH har ansvaret for å administrera landbruksvikarane i vårt område. Dette gjev oss moglegheit til å gje bøndene god sikkerheit for å få hjelp ved sjukdom, samstundes som me vert endå meir fleksible som vikarbyrå både for landbruket og næringslivet elles.

Frå å vera reine avløysarlag for landbruket har me utvikla oss til å verta eit vikarbyrå som femner langt utanfor primærnæringane. Det gjer oss meir fleksible på alle måtar, og gjer at me stadig kan forsyna både jordbruket og andre næringar med arbeidsfolk i dei periodane dei treng det.